Dekabrın 4-də "Günəşli" yatağındakı 10 saylı dərin dəniz özülündə baş vermiş hadisə ilə bağlı maraqlı foto yayılıb. Lent.az-ın məlumatına görə, qəzadan sonra təxliyyə edilərək xəstəxanaya yerləşdirilən Bəhruz Babayev adlı neftçi hadisədən sonra qayığın içindən çəkilmiş fotonu paylaşıb. B.Babayevin yaydığı fotodan görünür ki, bir qrup neftçi qayığın içində oturub xilas edilmələrini gözləyir.
Qeyd edək ki, 10 saylı dərin dəniz özülündəki hadisədən sonra neftçilər 2 qayıq vasitəsi ilə xilas olmağa çalışıblar. Qayıqlardan biri havadan asılı vəziyyətdə qalıb və onun içindəki neftçilərin hamısı xilas ola bilib. Digər qayığı isə güclü dalğalar özülə çırparaq qırıb və onun içindəki neftçilərin hamısı dənizə düşüb.
Hazırda dənizdə itkin düşmüş 23 neftçinin axtarışları davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
