Bu gün Bakı şəhərinin Səbail rayonunda bıçaqlanma hadisəsi baş verib. rayon Polis İdarəsindən Lent.az-a verilən məlumata görə, saat 14 radələrində Zərifə Əliyeva küçəsi 29 ünvanının qarşısında naməlum şəxs 1958-ci il təvəllüdlü Mirzəzadə Fərhad İzzət oğlunu bıçaqlayıb. Döş qəfəsindən daxilə nüfuz edən ağır xəsarət alan 56 yaşlı kişi Kliniki Tibbi Mərkəzə yerləşdirilib. Onu dindirmək mümkün deyil. Hadisəni törədən şəxs isə ərazidən uzaqlaşıb.
Bildirilir ki, F.Mirzəzadə Z.Əliyeva küçəsi 29, mənzil 84 ünvanında yaşayır. Onun kim tərəfindən, hansı səbəbdən bıçaqlanması məlum deyil. F.Mirzəzadə ikinci qrup əlildir.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
