İyun ayının 11- də Bakı İdman Zalında stolüstü tennis üzrə kişilərin və qadınların komanda yarışlarının püşkatma mərasimi keçirilib. Gənclər və İdman Nazirliyindən Lent.az-a verilən məlumata görə, püşkatmanın nəticələrinə görə Azərbaycanın kişilərdən ibarət komandası Polşa və qadın komandamız Fransa idmançıları ilə üzləşəcək.
Avropa Stolüstü Tennis Birliyinin son siyahısına görə Polşanın kişilərdən ibarət komandası müvafiq olaraq 25 , 30 və 43- cü yerdə qərarlaşır. Azərbaycan tennisçiləri reytinq cədvəlində 356 , 371 və 572- ci yerləri tuturlar. Fransanın qadın oyunçuları Li Sue ( 19 ) , Karole Qrundiş ( 29 ) və Yifanq Sian ( 42 ) öz azərbaycanlı rəqiblərini Məryəm İmanova ( 361 ) , Rüfət Quliyeva ( 375 ) və Şərmin Şirinovanı üstələyir. Stolüstü tennis yarışları iyun ayının 13-də Bakı İdman Zalında keçiriləcək. Qadınların oyunu saat 09:30-da , kişilərinki 16:30-da başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
