Bakıda “VAZ-2107” markalı avtomobil oğurlanıb. Lent.az-ın Daxili İşlər Nazirliyinin mətbuat xidmətinə istinadən məlumatına görə, fevralın 14-nə keçən gecə Yasamal rayonu ərazisindən Bakı şəhər sakini İlqar Babayevə məxsus “VAZ-2107” markalı avtomobil qaçırılıb. Həmin gün saat 08 radələrində Kürdəmir rayonu ərazisində BDYPİ YPXA-nın postunda avtomobilin sürücüsünə “Saxla” işarəsi göstərilib, tabeçilik göstərməyən sürücü hərəkətini davam etdirərək Kürdəmir şəhəri ərazisində avtomobildən düşərək qaçıb.
BDYPİ və Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmış Tovuz rayon sakini Elçin Əliyev saxlanılıb və Yasamal RPİ 29-cu PB-nin əməkdaşlarına təhvil verilib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
