Qülləyə çıxan şəxs: "Arvadımı işlə təmin edin, yoxsa özümü öldürəcəm"

Bu gün Ağcabədi şəhərində 30 metrlik qülləyə çıxaraq özünü öldürəcəyinə bəyan edən şəxsin kimliyi müəyyənləşib. Lent.az-ın məlumatına görə, intihara cəhd edən şəxsin 1985-ci il təvəllüdlü Bağırov Sənan Zöhrab oğlu olması müəyyən edilib. Bəlli olub ki, o, mart ayında da beşmərtəbəli binanın damına çıxaraq intihara cəhd edib.

S.Bağırova bir daha ictimai asayişi pozmaması ilə bağlı rəsmi xəbərdarlıq edilib.

İntihara cəhdin səbəbinə gəlincə, işsiz olan 31 yaşlı şəxs deyib ki, həyat yoldaşının işlə təmin edilməsini və ailəsinə sosial yardım ayrılmasını istəyir.

*****

15:58

Bu gün Fövqəladə Hallar Nazirliyinin Böhran Vəziyyətlərində İdarəetmə Mərkəzinə Ağcabədi şəhərində 1 nəfərin intihar etmək məqsədilə hündurlüyü 30 metr olan qülləyə çıxması barədə məlumat daxil olub. Lent.az nazirliyin saytına istinadən xəbər verir ki, dərhal yanğınsöndürən-xilasedicilər hadisə yerinə cəlb olunaraq vətəndaşla pisixoloji söhbətlər aparıb və intihara cəhdin qarşısı alınıb. Vətəndaş adiyyəti üzrə təhvil verilib.

Əməliyyat saat 14:39-da başa çatıb.