Bu gün bir neçə rayonun təbii qaz təchizatında məhdudiyyətlər olacaq. “Azəriqaz”-dan Lent.az-a verilən xəbərə görə, qaz ölçü qovşağında işlərin görülməsi ilə əlaqədar bu gün saat 13.00-dək Ağcabədi rayonuna təbii qazın verilişində fasilə yaranacaq.
Qaz nəqli sistemində yenidənqurma işləri və “Gəncə” qazpaylayıcı stansiyasından qidalanan 315 mm-lik orta təzyiqli qaz xəttinin yeni çəkilmiş 5000 metrlik hissəsinin qaz təchizatı mənbəyinə birləşdirilməsi ilə bağlı saat 18.00-dək Qəbələ rayonuna və Gəncə şəhərinin bir hissəsinə təbii qazın verilişində məhdudiyyət olacaq.
Pirallahı-Qala magistral avtomobil yolunda təmir işləri ilə əlaqədar Xaşaxuna yaşayış massivini təbii qazla təmin edən 225 mm-lik orta təzyiqli yeraltı qaz xətti və Sabunçu rayonu Savalan yaşayış massivindəki 200 mm-lik polietilen qaz kəmərində təmir-bərpa işlərinin görülməsi ilə əlaqədar isə işlər başa çatanadək Xəzər və Sabunçu rayonlarının bir hissəsinə də təbii qazın verilişində fasilələr yaranacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
