Türkiyənin Diyarbəkir rayonunda körpünün çökməsi nəticəsində 3 nəfər həlak olub.
Lent.az Türkiyə mediasına istinadla xəbər verir ki, hadisə Muş–Kulp avtomobil yolu üzərində aparılan körpü tikintisi zamanı baş verib.
Hadisə nəticəsində 8 işçi dağıntılar altında qalıb, onlardan 3-ü həyatını itirib. Məlumata görə, 2 nəfər hadisə yerində, 1 nəfər isə xəstəxanada ölüb. Qalan 5 işçinin vəziyyəti ağırdır.
Hadisədən dərhal sonra əraziyə xilasedici qruplar cəlb olunub və axtarış-xilasetmə işlərinə başlanılıb.