Toydakı dava kənddə qətllə nəticələndi

Göyçay rayonunda qətl hadisəsi baş verib.

Lent.az-ın APA-ya istinadla xəbərinə görə, hadisə noyabrın 22-də axşam saatlarında rayonun Bəydövül kəndində qeydə alınıb. Kənd sakini, 47 yaşlı Mustafayev Qılman Maarif oğlu şəxsi münasibətlər zəminində aralarında baş verən dava zamanı həmkəndlisi, 38 yaşlı İsmayılov Elvin Mübariz oğlunu bıçaqlayıb. Ürək nahiyəsindən iki bıçaq xəsarəti alan Elvin İsmayılov xəstəxanaya aparılarkən yolda dünyasını dəyişib.

Məlumata görə, bir neçə gün əvvəl keçirilən toy mərasimi zamanı onların arasında dava olub və bu gün yenidən başlayan mübahisə qətl hadisəsi ilə nəticələnib. Hadisənin dəqiq səbəbi hələ ki məlum deyil.

Qətli törədən Qılman Mustafayevi polis əməkdaşları saxlayıb.

Faktla bağlı Göyçay rayon Prokurorluğunda araşdırma aparılır.