Toyda yoxlama - 1 nəfərə cərimə, 9 nəfərə isə...

Yanvarın 3-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Azərbaycanda 108 toy şənliyinin monitorinqini həyata keçirib.

Lent.az xəbər verir ki, monitorinq 100 şadlıq sarayında, 8 şəxsi həyətyanı sahədə keçirilən şənlikləri əhatə edib.

Yoxlama zamanı toy şənliklərinin keçirilməsində xüsusi karantin rejimi qaydalarını pozduqlarına görə, 1 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub. 9 nəfər isə “COVID-19” pasportu olmadığına görə şənliyə buraxılmayıb.