"Təbrizin sehirli nağılları"nın müəllifi vəfat etdi

Azərbaycan elminə ağır itki üz verib. Ömrünü Təbrizin miniatür sənətinin tədqiqinə həsr etmiş sənətşünaslıq doktoru, professor Cəmilə Həsənzadə vəfat edib.

Lent.az-ın xəbərinə görə, bu barədə APA-ya mərhunun yaxınları məlumat verib.

Cəmilə xanım Təbrizin miniatür boyakarlığı, miniatür məktəbinə aid onlarla kitab, yüzlərlə elmi əsər, məqalə yazıb. O, Azərbaycan, rus, fransız, ingilis dillərini mükəmməl bildiyi üçün ən müxtəlif mənbələrdən yararlanıb, araşdırmalarını danılmaz faktlarla əsaslandırıb.

Allah rəhmət eləsin!