Sürix-Sinqapur reysində HƏYƏCANLI ANLAR:  sərnişin insult keçirdi, təyyarə Bakıya endi
30 yanvar 2024 11:14 (UTC +04:00)

Sürix-Sinqapur reysində HƏYƏCANLI ANLAR: sərnişin insult keçirdi, təyyarə Bakıya endi

"Swiss International Air Lines" aviaşirkətinin Sürix-Sinqapur reysini yerinə yetirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.

Heydər Əliyev Beynəlxalq Aeroportundan Lent.az-a verilən məlumata görə, buna səbəb təyyarədə olan sərnişinlərdən birinin səhhətinin qəflətən pisləşməsi olub. Həmin sərnişin insult keçirib.

"Boeing 777" təyyarəsi yerli vaxtı ilə saat 06:53-də Bakı hava limanında uğurla eniş edib.

Enişdən dərhal sonra sərnişin təcili tibbi yardım briqadasına təhvil verilib və paytaxt klinikalarından birinə çatdırılıb.

1 2 3 4 5 İDMAN XƏBƏRLƏRİ
# 4482
avatar

Fidan İlqar

Oxşar yazılar