SON DƏQİQƏ: Ağadadaş Ağayev qadına balta ilə xəsarət yetirdi - YENİLƏNİB

Daxili İşlər Nazirliyi Ağdadaş Ağayevlə yaşanan insidentlə bağlı məlumat yayıb.

DİN-in mətbuat xidmətindən Lent.az-a bildirilib ki, iyulun 22-də Bakı şəhər sakini olan N.Cəlilov ərizə ilə polisə müraciət edərək həmin gün saat 07 radələrində gözətçi işlədiyi özəl tibb müəssisələrindən birində olan zaman paytaxt sakini A. Ağayevin xuliqanlıq zəminində onu söyərək təhqir etdiyini əlindəki balta ilə onu hədələdiyini bildirib.

N.Cəlilov daha sonra izahatında A.Ağayevin baltanı ona tərəf atan zaman orada çalışan N.Paşayevanın ayaq nahiyəsinə dəydiyini və xəsarət yetirdiyini də qeyd edib.

Faktla bağlı Binəqədi Rayon Polis İdarəsinin araşdırmalara başlanılıb.

***

saat 11:00

Xalq artisti Ağadadaş Ağayevlə bağlı yeni məlumatlar məlum olub.

Lent.az-ın əldə etdiyi məlumata görə, müğənninin tanışı ilə küçədə mübahisəsi düşüb.

Mübahisə zəminində Ağadadaş Ağayev əlindəki baltanı tanışına atıb. Nəticədə qarşı tərəf xəsarət alıb.

A.Ağayevin saxlanıldığı bildirilsə də hələlik bu rəsmi təsdiqini tapmayıb.

Hadisə ilə bağlı rəsmi məlumat yayılacaq.

***

saat 10:40

Xalq artisti Ağadadaş Ağayev adam baltalayıb.

Lent.az xəbər "news24.az"a istinadən xəbər verir ki, hadisə Binəqədi rayonunda qeydə alınıb.