Rusiyanın Moskva şəhərində polis idarəsinin şəxsi heyətlə iş şöbəsinin keçmiş rəisi rüşvət almaqda təqsirli bilinib.
Lent.az yerli mediaya istinadla bildirir ki, polis polkovnik-leytenantı yaxın qohumlarından biri əvvəllər məhkum olunan şəxsi sertjant rütbəsi ilə şöbəyə işə götürdüyü üçün 1 milyon rubl rüşvət alıb.
Məlumata görə, məhkəmə dövlət ittihamçısının mövqeyini nəzərə alaraq, 4 il sınaq müddəti olmaqla, 7 il 6 ay müddətinə şərti azadlıqdan məhrum etmə və 5 milyon rubl cərimə cəzası təyin edib.
Həmçinin, təqsirləndirilən şəxs işdən qovularaq Rusiya Daxili İşlər Nazirliyinin daxili xidmətinin polkovnik-leytenantı xüsusi rütbəsindən məhrum edilib. Ona hüquq-mühafizə sistemində dövlət qulluğunda hüquq-mühafizə orqanlarının funksiyalarının yerinə yetirilməsi ilə bağlı vəzifə tutması 5 il müddətinə qadağan edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
