Şəkidə iki avtomobil toqquşdu, xəsarət alanlar var - FOTO

Şəkidə qadın sürücünün idarə etdiyi “Nissan” markalı minik avtomobili “VAZ 2106” markalı minik maşını toqquşub.

APA-nın şimal-qərb bürosunun məlumatına görə, hadisə bu gün 16:00 radələrində Şəki-Qax avtomobil yolunun 18-ci kilometrliyində, Şəkinin Aşağı Göynük kənd ərazisindən keçən hissəsində baş verib.

1989-cu il təvəllüdlü, Şuşa şəhər sakini Sevinc Ziyafət qızı Məhərrəmova idarə etdiyi “Nissan Micra” markalı minik avtomobillə Qaxdan Şəki şəhəri istiqamətində hərəkətdə olarkən onun avtomobili əks istiqamətdə hərəkət edən Şəki rayonu Aşağı Göynük kənd sakininin idarə etdiyi “VAZ 2106” markalı minik avtomobili ilə toqquşub. Qəza zamanı xəsarət alan sürücü S.Məhərrəmova və onun avtomobilində sərnişin qismində olan anası Vəfa Nadir qızı Səfərova Şəki Rayon Mərkəzi Xəstəxanasına müraciət ediblər.

Faktla bağlı araşdırma aparılır.