Sahibsiz it 1992-ci il təvəllüdlü Goranboy rayon sakini Qarayev Toğrul Qiyas oğlunun cinsiyyət orqanını dişləyib.
Lent.az xəbər verir ki, hadisə rayonun Məşədiqaralar kəndində baş verib.
Yaralı xəstəxanaya yerləşdirilib. Yaxınlarının dediyinə görə, it T.Qarayevə evinə qayıdarkən hücum edib.
Kənd sakinləri bildirib ki, kənddə sahibsiz itlər xüsusilə axşam saatlarında çoxalır. Onların sözlərinə görə, itlər sakinlərin həyətindən toyuqları, qazları oğurlayır, böyükdən-kiçiyə hamıya hücum edirlər.
Sahibsiz itlərin kənddə yaratdığı vəziyyətlə bağlı Goranboy rayon icra hakimiyyətinin Boluslu kənd inzibati ərazi dairəsi üzrə nümayəndəsi Şəmsi Ziyadov bildirib ki, məsələdən xəbərdardırlar və həlli istiqamətində addımlar atılacaq.
Ehtiram Muradov
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
