Bakıda kişi arvadını döyüb.
Lent.az xəbər verir ki, hadisə Xəzər rayonu, Binə qəsəbəsi, Atçılıq yaşayış massivində qeydə alınıb.
38 yaşlı Ramiz Xuduyev (ad və soyad şərtidir) yaşadıqları evdə arvadını əli ilə vurub itəyələrək, bir sıra xəsarətlər yetirib. Buna səbəb isə qadının xəbərsiz “Şahdağ” istirahət mərkəzinə getməsi olub. Ramiz ondan xəbərsiz adı çəkilən istirahət mərkəzinə gedən arvadını qısqanıb və bu səbəbdən aralarında mübahisə yaranıb. Cütlüyün mübahisəsi 40-50 dəqiqə çəkib.
Hadisədən sonra qadın polisə şikayət edib. Ramiz Xuduyev şikayət əsasında polis əməkdaşları tərəfindən saxlanılıb və barəsində cinayət işi başlanıb.
Təqsirləndirilən şəxs ifadəsində bildirib ki, bu özünün birinci, arvadının isə ikinci evliliyidir və 10 ildir ki, ailə qurublar. O, əməlindən peşman olduğunu və zərərçəkmişlə barışdığını deyib. Zərərçəkmiş qadın da həmçinin ərinə qarşı şikayət və tələbinin olmadığını qeyd edib.
Məhkəmənin qərarı ilə cinayət işinə xitam verilib və Ramiz Xuduyev məsuliyyətdən azad olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
