Qarabağda şəhid olan gəncin sevgilisi  özünü binadan atdı -  YENİLƏNİB
22 sentyabr 2023 21:40 (UTC +04:00)

Qarabağda şəhid olan gəncin sevgilisi özünü binadan atdı - YENİLƏNİB

Sentyabrın 22-də Xırdalanda 17 yaşlı Qasımzadə Arzu Kamal qızının intihar etməsinin əsas səbəbi hələ ki açıqlanmayıb.

Lent.az-ın gün ərzində apardığı araşdırma zamanı isə yeniyetmə qızın həyatına qəsd etməsinə əsas səbəb kimi bir versiya irəli sürülüb.

İddialara görə, Arzu Qasımzadə bir neçə gün öncə Qarabağda şəhid olanlardan birinin sevgilisi olub. 

Qeyd edək ki, yeniyetmə özünü atarkən əlində olan qutu açılaraq tökülüb. Həmin qutudan sevgi məktubları ətrafa dağılıb. 

***

19:56

Bu gün səhər saatlarında Xırdalanda özünü binadan atan qızın kimliyi məlun olub. 

Lent.az-ın əldə etdiyi məlumata görə, o, Binəqədi rayon sakini, 17 yaşlı Oruczadə Arzu Kamal qızıdır.
 

***

13:00

Xırdalanda baş verən intiharla bağlı təfərrüatlar məlum olub.

Lent.az-ın əldə etdiyi məlumata görə, hadisə bu gün saat təxminən 9 radələrində şəhər ərazisində yerləşən “Abşeron City” yaşayış kompleksində baş verib.

Hadisədən dərhal sonra intihar edən qızın 15 yaşında olması bildirilsə də, araşdırmalar zamanı onun 17 yaşında tələbə olduğu məlum olub. Adı hələlik açıqlanmayan qız binanın 8-ci mərtəbəsinin blokundakı açıq pəncərədən özünü atıb.

Məlumata görə, qız binanın mühafizəçisinin yanından deyil, arxa tərəfdəki başqa bir yoldan yaşayış kompleksinə daxil olub. Sakinlərin sözlərinə görə, həmin yolu ancaq buranı tanıyan adamlar bilir. Onlar bildirib ki, yaşadıqları binada repetitorlar çoxdur. Ehtimal görə, qız bəlkə də əvvəllər bu binaya hazırlığa gəlib və buna görə də ərazini tanıyıb.

İntihar edən qız birinci kursda oxuyurmuş. Hadisə zamanı o, pəncərəyə çıxaraq təxminən 1 dəqiqə ərzində telefonla kiminləsə yazışıb. Özünü atarkən əlində olan qutu açılaraq tökülüb. Həmin qutudan sevgi məktubları ətrafa dağılıb. Məktublarda “Səni sevirəm” və s. sözləri yazılıbmış.

Qızın özünü atmasını görən mühafizə xidmətinin əməkdaşı qışqıraraq mane olmağa çalışsa da, yeniyetmə məhəl qoymayıb. Mühafizəçinin polisə və təcili tibbi yardıma verdiyi məlumatdan sonra qızın valideynləri də əraziyə gəlib.

Hazırda Abşeron rayon prokurorluğunda araşdırma aparılır.

***

saat 10:54

Xırdalanda daha bir yeniyetmə özünü hündürmərtəbəli binadan ataraq intihar edib.

Lent.az xəbər verir ki, hadisə bu gün baş verib.

İntihar edən 15 yaşlı qızın hadisə baş verən binada yaşamağı bildirilir. Buna görə də onun şəxsiyyətini müəyyənləşdirmək hələlik mümkün olmayıb.

Qeyd edək ki, bu, son vaxtlar Xırdalanda yeniyetmə qızlar arasında baş verən 4-cü müəmmalı intihar hadisəsidir. 
 

1 2 3 4 5 İDMAN XƏBƏRLƏRİ
# 24249
avatar

Xədicə SƏXAVƏT

Oxşar yazılar