"Polat Alemdar" iş adamının "torbası"nı tikdi

Bir neçə gün əvvəl Türkiyənin məşhur aktyoru Necati Şaşmazın “Sarallar” qruplaşmasının üzvü olmasında şübhəli bilindiyi üçün polisin saxladığı barədə xəbər vermişdik.

Lent.az-ın məlumatına görə, hadisə ilə bağlı yeni təfərrüatlar üzə çıxıb. İddialara əsasən, "Qurdlar vadisi" serialındakı Polad Alemdar rolu ilə məşhurlaşan Necati Şaşmaz şikayətçi kimi çıxış edərək şübhəli şəxs qismində saxlanılan iş adamı Erdal Acarın əleyhinə ifadə verib. İş adamının barəsində “cinayətkar qruplaşma yaratmaq” və “bir neçə şəxslə əlbir olub talamaq” maddəsilə cinayət işi açılıb.

Bundan başqa, aktyorun ifadəsində Erdal Acarın telefon danışıqları və gizli məlumatlar da yer alıb.

Qeyd edək ki, “Sardallar” qruplaşmasının əyləncə məkanlarına və gecə klublarına basqın edib zor gücü ilə bu yerləri ələ keçirməyə çalışdığı anların kamera görüntüləri sosial mediada böyük reaksiyalara səbəb olmuşdu.