Piyada keçidi nişanı şagirdi öldürdü - VİDEO

Rusiyanın Voronej şəhərində piyada qeyri-adi hadisənin qurbanı olub.

Lent.az yerli mediaya istinadla bildirir ki, hadisə axşam saatlarında Sol Sahil (Levoberejnıy) rayonunun mərkəzində, Leninqradskaya və Serov küçələrinin kəsişməsində baş verib.

İlkin məlumata görə, “Renault” markalı avtomobilin sürücüsü sola dönərkən yol vermə qaydasına əməl etməyib və “Niva” avtomobillə toqquşub. Zərbənin nəticəsindən “Niva” səkiyə doğru atılıb və piyada keçidi nişanına çırpılıb.

Metal konstruksiya həmin an işıqforda gözləyən 14 yaşlı məktəblinin üzərinə aşıb. Yeniyetmə aldığı xəsarətlərdən hadisə yerindəcə dünyasını dəyişib.

Hazırda baş verən hadisənin bütün detalları araşdırılır.