Müğənninin olduğu məkanda ATIŞMA

Amerika Birləşmiş Ştatlarının Kaliforniya ştatının Qərbi Hollivud şəhərində kanadalı pop musiqiçisi Castin Biberin də olduğu əyləncə məkanda atışma baş verib.
Lent.az “CNN” telekanalına istinadən xəbər verir ki, atışma nəticəsində 3 nəfər yaralanıb.

Polisin məlumatına görə, restoranın yaxınlığında dava düşüb və bu zaman bir neçə dəfə havaya atəş açılıb. Yaralıların hamısı xəstəxanaya çatdırılıb, vəziyyətlərinin stabil olduğu bildirilir.

Hüquq-mühafizə orqanları hadisənin heç bir dəstənin fəaliyyəti ilə bağlı olmadığını əlavə edib.

Hadisə baş verəndən bir neçə dəqiqqə sona müğənni Castin Biber məkanı tərk edib.