Binəqədi rayon Polis İdarəsinin 6-cı Polis Bölməsinə iyunun 21-nə keçən gecə Biləcəri qəsəbəsi ərazisindəki avtomobillərin yuyulması məntəqələrinin birindən Tovuz rayon sakini O.Məmmədovun “Honda” markalı avtomobilinin qaçırılması barədə müraciət daxil olub.
Lent.az Daxili İşlər Nazirliyinə istinadla bildirir ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsinin orada işləyən Cəlilabad rayon sakini S.Əsədovun qaçırması və Nəsimi rayonunun Cavadxan küçəsində idarə edərkən hasara vurması müəyyən olunub.
Görülmüş tədbirlərlə S.Əsədov saxlanılıb.
Faktla bağlı Binəqədi rayon Polis İdarəsində araşdırma aparılır.
DİN bir daha vətəndaşların diqqətinə çatdırır ki, avtomobillərini təmiri sexlərində, yuyulma məntəqələrində və digər yerlərdə nəzarətsiz buraxmasınlar.
edsdsds.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
