Albalı ağacından yıxılan Lerik sakini ağır vəziyyətdə xəstəxanaya çatdırılıb.
APA - nın cənub bürosunun verdiyi məlumata görə hadisə axşam saatlarında Lerik şəhəri ərazisində baş verib. Lerik şəhər sakini 1980 - cı il təvəllüdlü Razi Şirvan oğlu Ramazanov albalı dərmək və ağacdakı yarpaqları təmizləmək üçün ağaca çıxıb. O, ehtiyatsızlıqdan ağacdan üzü üstə yerə çırpılıb.
R.Ramazanov ağır vəziyyətdə Lənkəran rayon mərkəzi xəstəxanasının təcili yardım şöbəsinə çatdırılıb. Həkimlər ona kəllə beyin travması, hər iki qolun mil sümüyünün tipik yerdəyişən sınığı, çənə sınığı, hər iki gözün hematomiyası diaqnozu qoyublar. Xəstənin vəziyyətinə uyğun olaraq müalicəsi reansimasiya şöbəsində davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
