Kişinin orta barmağını dişlədilər, öldü

Rusiyada kişi qeyri-adi olay nəticəsində ölüb.

Lent.az yerli mediaya istinadla bildirir ki hadisə avqustun 31-də Sankt-Peterburq şəhərinin Narodnaya küçəsində yerləşən uşaq bağçasının yaxınlığında baş verib.

Sankt-Peterburq sakini olan 51 yaşlı kişi yoldan keçən birinə irad tutaraq ona nalayiq jest göstərib. Buna cavab olaraq qarşı tərəf kişinin orta barmağını dişləyib.

Zərərçəkən baş verənlərə heç bir əhəmiyyət verməsə də, tezliklə barmağı qaralıb və şişib. Sentyabrın 12-də Sankt-Peterburq sakini həkimə müraciət edib.

O, dərhal əməliyyat üçün xəstəxanaya göndərilsə də, dünyasını dəyişib. İlkin məlumatlara görə, zərərçəkən nekrotik infeksiya nəticəsində dünyasını dəyişib.