Naxçıvan Baş Gömrük İdarəsi və Dövlət Sərhəd Xidmətinin əməkdaşları birgə əməliyyat tədbiri keçiriblər.
Dövlət Gömrük Komitəsindən Lent.az-a verilən məlumata görə, “Şahtaxtı” gömrük postunda Azərbaycandan tranzit keçməklə İrandan Türkiyəyə qarışıq ərzaq malları aparan “DAF” markalı avtomobil saxlanılıb və əsaslı yoxlamaya cəlb olunub. Bu zaman kinoloji xidmət itinin reaksiyası nəticəsində, nəqliyyat vasitəsində gömrük nəzarətindən gizlədilən 4 ədəd bağlama aşkarlanıb.
Bağlamalardan birində 15 ədəd, digər üç bağlamanın hər birində isə 18 ədəd olmaqla, ümumilikdə 69 ədəd bağlamada təmiz çəkisi 26 kq 350 qram narkotik vasitə - marixuana aşkar edilib.
Avtomobilin sürücüsünə məxsus gödəkcədən isə gömrük nəzarətindən gizlədilən, təmiz çəkisi 0,375 qram təşkil edən psixotrop maddə - metamfetamin aşkar olunub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
