İrandan gələn narkotiki Bakı və Abşeronda dağıdan QRUP TUTULDU
29 yanvar 2024 16:35 (UTC +04:00)

İrandan gələn narkotiki Bakı və Abşeronda dağıdan QRUP TUTULDU

Abşeronda əməliyyat zamanı saxlanılan 4 narkokuryerdən 15 kiloqram müxtəlif növ narkotik vasitə aşkar edilib.

Daxili İşlər Nazirliyindən Lent.az-a verilən xəbərə görə, Abşeron Rayon Polis İdarəsinin Narkotiklərlə Mübarizə Bölməsinin əməkdaşları tərəfindən Xırdalan şəhəri, Novxanı, Məhəmmədli və Hökməli qəsəbələrində keçirilən əməliyyatlar zamanı  narkotiklərin qanunsuz dövriyyəsində şübhəli bilinən Əli Babayev, Nərgiz Həsənova, Nadir Məmmədov və Səbir Məmmədov saxlanılıblar.

Onlardan, idarə etdikləri avtomobillərdən və yaşadıqları evlərdən ümumilikdə 15 kiloqram, o cümlədən 9 kiloqram marixuana, 4 kiloqram heroin, 2 kiloqram psixotrop maddə metamfetamin və 50 ədəd satışı qadağan edilən metadon həbi aşkar olunub. Saxlanılan şəxslər ölkəyə İrandan qaçaqmalçılıq yolu ilə gətirilən narkotikləri Bakı şəhəri və Abşeron rayonunda ayrı-ayrı şəxslərə çatdırıb pul qazanmaq məqsədi ilə əldə etdiklərini bildiriblər.

Faktla bağlı cinayət işləri başlanılıb, əməliyyat-istintaq tədbirləri davam etdirilir.  

1 2 3 4 5 İDMAN XƏBƏRLƏRİ
# 3753
avatar

Fidan İlqar

Oxşar yazılar