Hamilə qadını döymək istəyən reper İslam Zakirov həbs olundu

Rep deyişməsi zamanı hamilə qadını döymək istədiyini deyən reper İslam Zakirov Moskvanın Zamoskvoretski Məhkəməsi tərəfindən həbs edilib.

Lent.az Rusiya mediasına istinadla bildirir ki, məhkəmə prokurorun vəsatətini təmin edərək internetdə milli mənsubiyyətə görə nifrət salmaqda və zorakılıq tətbiq etməklə hədələməkdə təqsirləndirilən İ.Zakirov barəsində həbs-qətimkan tədbiri seçilib.

Həbs zamanı polis Zakirovdan video çəkilişləri olan mobil cihazları müsadirə edib və bu, sonradan onun barəsində cinayət işinin başlanmasına səbəb olub. İnternetdə yayılan videoda Zakirov rep döyüşündə hamilə qadınını döymək istədiyini bildirir. Reper artıq əməlindən peşman olduğunu, bütün Rusiya xalqından və bütün rus qadınlarından səmimi şəkildə üzr istəmək istədiyini bildirib.