Göyçayda 18 yaşlı qızın öldürüldüyü məlum oldu-TƏFƏRRÜAT
09 may 2021 13:54 (UTC +04:00)

Göyçayda 18 yaşlı qızın öldürüldüyü məlum oldu-TƏFƏRRÜAT

Göyçayda 18 yaşlı qızın qətlə yetirildiyi məlum olub.

APA-nın yerli bürosunun xəbərinə görə, Göyçay rayonu Bığır kənd sakini, 2003-cü il təvəllüdlü Məmmədova Fatimə Murtuz qızı dayısı, Bığır kənd sakini, 1989-cu il təvəllüdlü Bədəlov Vüqar Məhəmməd oğlu tərəfindən boğularaq qətlə yetirilib.

Qətli törədən Vüqar Bədəlov saxlanılıb, qızın qardaşı və digər ailə üzvləri hazırda polis şöbəsində dindirilir. Qızın anası, 1980-ci il təvəllüdlü Gülnarə Məmmədovanın övladının meyitini görərək komaya düşdüyü və bu səbəbdən xəstəxananın reanimasiya şöbəsinə yerləşdirildiyi bildirilir.

Qətl hadisəsindən sonra qızın dayısı Vüqar Bədəlov evində dəm qazından zəhərlənmə hadisəsinin baş verməsi barədə yalan məlumat uyduraraq kömək məqsədilə evə çağırdığı təcili tibbi yardım stansiyasının həkimlərinə bilərəkdən səhv məlumat verib, hər iki şəxsin dəm qazından zəhərləndiyini bildirib. Məhkəmə tibbi ekspertiza və istintaq araşdırması zamanı qızın boğularaq öldürüldüyü məlum olub.

Qeyd edək ki, Fatimə Məmmədovanın  bir dəfə nişanlı olduğu, sonradan başqa bir oğlana qoşularaq Bakıya getdiyi və yenidən evə qayıtdığı və Vüqar Bədəlovun bu səbəbdən qətl hadisəsini törətdiyi bildirilir.

Faktla bağlı araşdırma aparılır.

***

saat 12.46

Göyçay rayonunda ölüm hadisəsi baş verib.

APA-nın yerli bürosunun xəbərinə görə, rayonun Bığır kənd sakini, 1980-ci il təvəllüdlü Məmmədova Gülnarə Məhəmməd qızı Göyçay rayon Mərkəzi Xəstəxanasının reanimasiya şöbəsinə yerləşdirilib, övladı - 2003-cü il təvəllüdlü Məmmədova Fatimə Murtuz qızı isə  ölüb.

Məlumata görə, hadisə bu gün səhər saatlarında Gülnarə Məmmədovanın qardaşı, Bığır kənd sakini, 1989-cu il təvəllüdlü Bədəlov Vüqar Məhəmməd oğluna məxsus evdə baş verib. Fatimə Məmmədovanın meyiti müayinə üçün Məhkəmə Tibbi Ekspertiza və Pataloji Anatomiya Birliyinin Göyçay rayon şöbəsinə aparılıb. Ölümün dəqiq səbəbi ekspertizanın rəyindən sonra  bilinəcək. Hazırda rayonun hüquq-mühafizə orqanlarının əməkdaşları hadisə yerindədir.

Faktla bağlı Göyçay rayon Prokurorluğu tərəfindən araşdırma aparılır

1 2 3 4 5 İDMAN XƏBƏRLƏRİ
# 8601

Oxşar yazılar

Bakıda kişi özünü asdı

Bakıda kişi özünü asdı

5 aprel 2025 , 19:51
Bakıda evdən meyit tapıldı

Bakıda evdən meyit tapıldı

5 aprel 2025 , 18:56
Salyanda DƏHŞƏT:  fəhlənin barmaqları kəsildi

Salyanda DƏHŞƏT: fəhlənin barmaqları kəsildi

5 aprel 2025 , 16:17
Sumqayıtda silsilə oğurluq  edənlər saxlanıldı

Sumqayıtda silsilə oğurluq edənlər saxlanıldı

5 aprel 2025 , 15:40
Bakı və Sumqayıtda dələduzluq edənlər tutuldu

Bakı və Sumqayıtda dələduzluq edənlər tutuldu

5 aprel 2025 , 15:19
5 ay əvvəl  müharibədə həlak olan azərbaycanlıların meyitləri TAPILDI

5 ay əvvəl müharibədə həlak olan azərbaycanlıların meyitləri TAPILDI

5 aprel 2025 , 14:43
Bakıda evdən meyit tapıldı

Bakıda evdən meyit tapıldı

5 aprel 2025 , 13:20
Qatarın damında qız meyiti  tapıldı

Qatarın damında qız meyiti tapıldı

5 aprel 2025 , 12:54