Goranboyda maşın aşdı: Yaralılar var-FOTO-YENİLƏNİB

Goranboyda avtomobilin aşması nəticəsində xəsarət alanların şəxsiyyəti məlum olub.

Lent.az APA-ya istinadən xəbər verir ki, Goran-Naftalan avtomobil yolunun Goranboy rayonu Balakürd kəndi ərazisindən keçən hissəsində Naftalan şəhər sakini 1984-cü il təvəllüdlü Muradov Bəhruz Zakir oğlunun idarə etdiyi 77-TB-159 dövlət qeydiyyat nişanlı "Mercedes" markalı avtomobil aşıb.

Sürücü və avtomobildə olan sərnişinlər - Naftalan şəhər sakinləri 1964-cü il təvəllüdlü Bədəlova İradə İdris qızı, 1964-cü il təvəllüdlü Muradova Məleykə Xəsi qızı, 2009-cu il təvəllüdlü İbrahimli Fatimə Səbuhi qızı və Goranboy rayon Səfikürd kənd sakini 1982-ci il təvəllüdlü İbrahimov Şaiq İslam oğlu xəsarət alaraq Goranboy rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

***
20:04

Goranboyda yol-nəqliyyat hadisəsi baş verib.

Lent.az APA-ya istinadən xəbər verir ki, hadisə rayonun Balakürd kəndində qeydə alınıb.

Hərəkətdə olan avtomobil idarə etmədən çıxaraq aşıb.

Qəza zamanı bir neçə nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub.

Faktla bağlı araşdırma aparılır.