Fermanın qoyunlarını oğurlayıb ucuz qiymətə satdı - FOTO

Salyanda fermadan qoyunlar oğurlanıb.

Daxili İşlər Nazirliyi mətbuat xidmətinin Şirvan regional qrupundan Lent.az-a verilən məlumata görə, Salyan rayon Polis Şöbəsinə rayonun Aşağı Noxudlu kəndi ərazisində yerləşən fermaların birindən 16 baş qoyunun oğurlaması barədə məlumat daxil olub.

Daxil olan məlumatla əlaqədar Salyan və Ağcəbədi rayon Polis Şöbələrinin əməkdaşları tərəfindən keçirilən əməliyyat-axtarış tədbirləri nəticəsində qeyd edilən oğurluq hadisəsini törətməkdə şübhəli bilinən Ağcabədi rayon sakini Eldəniz Musayev yaşadığı rayon ərazisində saxlanılaraq istintaqa təqdim olunub.

Dindirilmə zamanı həmin şəxs cinayət əməlini etiraf edərək, oğurladığı qoyunları Masallı rayonu ərazisində dəyərindən ucuz qiymətə satdığını bildirib.

Faktla əlaqədar E.Musayev barəsində Salyan rayon Polis Şöbəsində cinayət işi açılıb, araşdırmalar davam etdirilir.