Bu il dünyada öldürülən jurnalistlərin sayı 45 faiz artıb.
Lent.az xarici mətbuata istinadən xəbər verir ki, 2022-ci ildə 29 ölkədə 115 jurnalist həyatını itirib.
Əldə edilən məlumatlara görə, bu il öldürülən jurnalistlərin sayı 2018-ci ildən bəri ən yüksək göstəricidir.
2022-ci ildə Latın Amerikasında 39, Avropada 37, Asiyada 30, Afrikada 7, Şimali Amerikada 2 media işçisi həyatını itirib.
Ukraynada müharibə başlayandan, yəni bu il fevralın 24-dən bu ölkənin ərazisində 34 media işçisi həlak olub.
Bundan əlavə, “Sərhədsiz Reportyorlar” beynəlxalq təşkilatının hesabatında dünya üzrə 533 jurnalistin saxlanıldığı bildirilir. Bu, ötən illə müqayisədə 13,4 faiz çoxdur. Saxlanılan jurnalistlərin əksəriyyəti Çində qeydiyyatdadır (110 nəfər).
Qeyd edək ki, ötən il 79 media işçisi öldürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
