Bəxtiyar Hacıyevə bu qədər həbs cəzası verildi - YENİLƏNİB

İctimai fəal Bəxtiyar Hacıyev barəsində həbs qətimkan tədbirinin seçilməsi ilə bağlı vəsatətə baxılıb.

Lent.az xəbər verir ki, bu barədə vəkil Aqil Layıc məlumat paylaşıb. Onun sözlərinə görə, Xətai rayon Məhkəməsində hakim Fuad Axundovun sədrliyi ilə keçirilən prosesdə qərar elan edilib.

Qərara əsasən, Bəxtiyar Hacıyev barəsində 1 ay 20 günlük həbs qətimkan tədbiri seçilib.

***
Saat: 14:55

Daxili İşlər Nazirliyi Bəxtiyar Hacıyevin saxlanılmasına münasibət bildirib.

Nazirliyin mətbuat xidmətindən Lent.az-a bildirilib ki, vətəndaş Bəxtiyar Hacıyevin saxlanılması Bakı şəhər Baş Polis İdarəsində Cinayət Məcəlləsinin 221-ci (Xuliqanlıq) və 289-cu (Məhkəməyə hörmətsizlik etmə) maddələri ilə başlanmış cinayət işi ilə əlaqədardır.

Barəsində qətimkan tədbiri seçilmək üçün o bu gün məhkəməyə göndərilib.

***
Saat: 14:28

İctimai fəal Bəxtiyar Hacıyev saxlanılıb.

Lent.az xəbər verir ki, bu barədə tanınmış vəkil Aqil Layıc məlumat paylaşıb. Onun sözlərinə görə, Bəxtiyar Hacıyev Baş Polis İdarəsində cinayət məsuliyyətinə cəlb edilib.

Vəkil bildirib ki, o, hazırda barəsində həbs qətimkan tədbirinin seçilməsi üçün Xətai rayon Məhkəməsinə aparılır.

Məlumata görə, B. Hacıyev Cinayət Məcəlləsinin 221-ci (xuliqanlıq) maddəsilə təqsirli bilinir.