Bakıda DƏHŞƏTLİ QƏZA: Üç nəfər öldü - YENİLƏNİB

Mərdəkan yolunda qeydə alınan avtoqəza “Mercedes-VİTO” markalı avtomobil və “Shacman” markalı yük maşınının toqquşması nəticəsində baş verib.

APA-nın xəbərinə görə, qəza nəticəsində xəsarət alaraq 3 saylı Kliniki Tibbi Mərkəzə yerləşdirilən 6 nəfərdən 3-nün vəziyyəti yüngül olduğu üçün tibbi yardım göstərilərək evə buraxılıblar. Xəstəxanadan bildirilib ki, vəziyyəti ağır olan 3 yaralı isə reanimasiya şöbəsinə yerləşdirilib.

Qeyd edək ki, hadisə hava limanı-Bilgəh yolunda qeydə alınıb.

Avtoqəza nəticəsində daxil olan çağırış əsasında hadisə yerinə 5 təcili Tibbi Yardım Briqadası göndərilib.

Qəza nəticəsində 3 nəfər (1 qadın, 2 kişi) hadisə yerində ölüb, 6 nəfər isə müxtəlif dərəcəli xəsarətlərlə 3 saylı Kliniki Tibbi Mərkəzə aparılıblar.

Hadisə səbəbindən yolda nəqliyyat vasitələrinin hərəkətində sıxlıq yaranıb.

***

17:11

Mərdəkan yolunda baş verən avtomobil qəzası nəticəsində daxil olan çağırış əsasında hadisə yerinə 5 təcili Tibbi Yardım Briqadası göndərilib.

Təcili və Təxirəsalınmaz Tibbi Yardım Stansiyasından APA-ya verilən məlumata görə, 3 nəfər (1 qadın, 2 kişi) hadisə yerində dünyasını dəyişib, 6 nəfər isə müxtəlif dərəcəli xəsarətlərlə 3 saylı Kliniki Tibbi Mərkəzə aparılıb.