Bakıda apellyasiya şikayəti edəni  aldadıb pulunu aldı
24 dekabr 2022 17:16 (UTC +04:00)

Bakıda apellyasiya şikayəti edəni aldadıb pulunu aldı

Bakıda bir neçə nəfərə qarşı dələduzluq hadisəsi olub.

Lent.az-ın məlumatına görə, paytaxt sakini E. Həşimov bir neçə nəfərə qarşı dələduzluq etməkdə təqsirləndirilir.

İttiham aktına görə, E. Həşimov Dağıstanda ali təhsil alan gənc oğlana diplomunun Azərbaycanda tanınmasına kömək edəcəyini bildirib. Bu yolla ondan 8 min manat alıb. Zərərçəkmişlərin birinə Almaniyadan “Kia Rio” markalı avtomobil gətirəcəyi adı ilə onun 6 min manat pulunu ələ keçirib.

Bundan əlavə E. Həşimov vətəndaşlardan birini verdiyi apellyasiya şikayətini təmin etdirəcəyinə inandırıb. Bu yolla ondan 4 min manat pul alıb. Zərərçəkənlərin hamısı E. Həşimovun tanışlarıdır. Belə ki, əməllər tanışlıq yolu ilə törədilib.

Ancaq pullarını verən vətəndaşlar ortada nə pulun, nə də istəklərinin olmadığını görərək, hüquq-mühafizə orqanlarına üz tutublar.

Hazırda E. Həşimov barəsində Cinayət Məcəlləsinin 178.2.2-ci (dələduzluq təkrar törədildikdə) maddəsi ilə cinayət işi başlanıb.

Onun işinə Nərimanov rayon Məhkəməsində baxılacaq.

# 2172
avatar

Mehman Nəbiyev

Oxşar yazılar