Bakı-Qazax yolunda ağır qəza: 8 yaralı... - FOTO - YENİLƏNİB

Kürdəmirdə baş verən yol-nəqliyyat hadisəsi zamanı xəsarət alanların adları məlum olub.

Lent.az-ın APA-ya istinadən xəbərinə görə, hadisə Bakı-Qazax yolunun rayonun Qarabucaq kəndindən keçən hissəsində qeydə alınıb.

Mikroavtobusla minik maşını ilə toqquşması nəticəsində 8 nəfər xəsarət alıb. Xəsarət alanlar- 64 yaşlı Şahmirad Almazov, 33 yaşlı Günel Mirzəliyeva, 14 yaşlı Turanə Teymurova, 4 yaşlı Cansu Cəfərli, 32 yaşlı Aygün Mirzəliyeva, 44 yaşlı Eltun Məmmədov, 27 yaşlı Mahir Səfərov və 54 yaşlı Vəzifə Mehralıyeva təcili tibbi yardım maşınları ilə Kürdəmir rayon Mərkəzi Xəstəxanasına aparılıb.

Faktla bağlı araşdırma aparılır.

***

14:34

Kürdəmirdə yol-nəqliyyat hadisəsi baş verib.

Lent.az APA-ya istinadən xəbər verir ki, hadisə Bakı-Qazax yolunun rayon ərazisindən keçən hissəsində qeydə alınıb.

İlkin məlumata görə, mikroavtobusla minik maşınının toqquşması nəticəsində 10-a yaxın şəxs xəsarət alıb.

Hadisə zamanı xəsarət alanlar təcili tibbi yardım maşınları ilə Kürdəmir rayon Mərkəzi Xəstəxanasına aparılıb.

Faktla bağlı araşdırma aparılır.