Azərbaycanda DƏHŞƏTLİ QƏTLİN baş verdiyi ev - YENİ GÖRÜNTÜLƏR -YENİLƏNİB

Lent.az xəbər veriri ki, APA-nın hadisə yerində olan müxbiri qətl törədilən evdən yeni görüntülər təqdim edib.

Qatilin və ailəsinin görüntülərini təqdim edirik:

***

13:15

Şəmkirdə baş verən dəhşətli qətllə bağlı bəzi təfərrüatlar məlum olub.

Lent.az xəbər verir ki, APA-nın hadisə yerində olan müxbiri qətli törədən Elməddin Həsənovun əmisi Həsənov Tofiqlə söhbət edib.

T. Həsənov bildirib ki, qardaşı oğlunun başında ağrılar vardı, əsəb xəstəsi idi, sabah həkimə gedəcəkmiş: “Sabah həkimə getməliydi, bu gün belə oldu”.

Hadisə yerindəki qonşular isə əməkdaşımıza söyləyib ki, Elməddin Həsənov kənardan normal şəxs kimi görünürdü, bazarda alver edirdi.

***

11:15

Şəmkirdə baş verən qətl hadisəsinin bəzi təfərrüatları bəlli olub.

Lent.az xəbər verir ki, Çinarlı qəsəbəsinin yerli nümayəndəsi Elçin Abbasov APA-nın yerli bürosuna bildirib ki, qətli törədən Elməddin Həsənov əsəb xəstəliyindən əziyyət çəkirmiş. Hadisənin də bu səbəbdən törədildiyi bildirilir.

Hadisə bu gün səhər saatlarında baş verib, E.Həsənov polis əməkdaşları tərəfindən saxlanılıb.

***

10:53

Şəmkirdə dəhşətli qətl hadisəsi baş verib.

Lent.az APA-ya istinadən xəbər verir ki, hadisə rayonun Çinarlı qəsəbəsində qeydə alınıb.

Belə ki Elməddin Həsənov 1995-ci il təvəllüdlü həyat yoldaşı Həsənova Laləni və 2014-cü il təvəllüdlü qızı Q.Həsənovanı bıçaqla qətlə yetirib.

Hadisə yerinə hüquq mühafizə orqanların əməkdaşları cəlb olunub.