Avtobus tüstüləndi, sürücü cəld müdaxilə etdi

65 nömrəli marşrutda hərəkət edən avtobusunda tüstülənmə olub.

Lent.az-ın xəbərinə görə, Bakı Nəqliyyat Agentliyindən APA-ya bildirilib ki, hadisə Yasamal rayonu, Zivərbəy Əhmədbəyov küçəsində qeydə alınıb.
İlkin məlumata görə, "Faiqoğlu MMC"-ə məxsus 10 TH 305 dövlət qeydiyyat nişanlı avtobusun mühərrik hissəsində tüstülənmə olub. Sürücüsü dərhal yanğınsöndürən balonla hadisənin qarşısını alıb. Avtobusda olan sərnişinlər təxliyə olunub, xəsarət alan yoxdur.