APA-nın əməkdaşları hücuma məruz qaldı - FOTO - VİDEO

Masazır qəsəbəsində yol qəzası zamanı bir nəfər xəsarət alıb.

Lent.az APA-ya istinadla xəbər verir ki, hadisə Masazır qəsəbəsi Novxanı şosesində qeydə alınıb.

Yolu keçən 1999-cu il təvəllüdlü Nurəliyeva Əfsanə Sahib qızını Qasımzadə İman Seyran oğlu idarəetməsində olan 99-SG-213 dövlət nişanlı “VAZ-21012” markalı avtomobillə vurub. Yaralının yaxınları APA-ya bildirib ki, təcili yardım xidməti əraziyə 30 dəqiqədən gec gəlib. Hadisəni işıqlandıran “APA Group”un əməkdaşı Nurlan Əli və operator Hüseyn Qurbanov sürücünün yaxınları tərəfindən təzyiqə məruz qalıb. Onlar çəkiliş olmamasını tələb edərək hadisə yerində olan əməkdaşın mobil telefonu və kamerasını əlindən alıblar. Buna görə də Daxili İşlər Nazirliyinin 102 zəng mərkəzinə məlumat verilib. Əraziyə gələn post patrul xidmətinin əməkdaşları baş verən insidentin qarşısını alıb.

Qeyd edək ki, insident zamanı Abşeron Rayon Dövlət Yol Polis Şöbəsinin əməkdaşları hadisə yerində olub. Onlar hərəkətsizlik göstəriblər.

Daha sonra əraziyə Təcili Yardım Xidməti gəlib yaralı Ə.Nurəliyeva xəstəxanaya aparılıb. Sözügedən təcili yardım xidmətinin əməkdaşı APA-ya bildirib ki, ərazidə müraciət çox olduğu üçün ləngimə yaranıb.