Bakının mərkəzində gizli işləyən yeməkxana aşkar edildi - FOTO

Səbail rayonunda karantin qaydalarını pozan obyekt aşkar edilib.

Daxili İşlər Nazirliyindən Lent.az-a verilən məlumata görə, Səbail rayonu İ.Məmmədov küçəsində karantin rejimi qaydalarına zidd olaraq gizli fəaliyyət göstərən yeməkxana aşkar edilib. Rayon Polis İdarəsinin əməkdaşları tərəfindən keçirilən tədbir zamanı qeyd olunan ünvanda kafenin sahibi Söhrab İsayevin karantin qaydalarını pozaraq müştəri qəbul etdiyi məlum olub. Obyektə baxış zamanı S.İsayev və orada olan 9 müştəri saxlanılaraq rayon Polis İdarəsinin 8-ci Polis Bölməsinə gətirilib.

Karantin qaydalarını pozan obyekt sahibi rayon məhkəməsinin qərarı ilə 200 manat məbləğində cərimə edilib. Müştərilən barəsində Polis Bölməsində İnzibati Xətalar Məcəlləsinin 211-ci maddəsi ilə tədbir görülərək onların hər biri 200 manat cərimə olunublar.