Biləsuvar rayonunda həkimə hədə-qorxu gəlinib.
Lent.az-ın məlumatına görə, hadisə Biləsuvarda yerləşən Cəbrayıl Mərkəzi Rayon Xəstəxanasında qeydə alınıb.
Xəstəxananın uşaq həkimi, Cəbrayıl rayonundan olan məcburi köçkün Eldar Məmmədov hüquq-mühafizə orqanlarına müraciət edərək tanışı Raqib Həsənovun ona hədə-qorxu gələrək 1850 manat pulunu aldığını bildirib.
Faktla bağlı Cəbrayıl rayon Prokurorluğunda Cinayət Məcəlləsinin 182-ci (hədə-qorxu ilə tələb etmə) maddəsilə cinayət işi başlanıb.