Avtobus qəzasında yaralananlardan 3-ün vəziyyəti ağırdır
29 mart 2011 14:12 (UTC +04:00)

Avtobus qəzasında yaralananlardan 3-ün vəziyyəti ağırdır

Bakı şəhər Yol Polisi İdarəsindən Lent.az-a verilən məlumata görə, qəza Qaradağ rayonunda, “Sədərək” ticarət mərkəzinin qarşısında olub.

Şirkətlərdən birinə məxsus olan H 019 868 nömrə nişanlı “Saipa” markalı avtomobil 174 saylı marşrut üzrə hərəkət edən “Mercedes” markalı avtobusa çırpılıb. Nəticədə avtobus çevrilib.

Qaradağ rayon Polis İdarəsindən Lent.az-a verilən məlumata görə, xəsarət alan şəxslərdən 5-i artıq evə buraxılıb. Qəza nəticəsində “Mercedes” markalı avtobusun sürücüsü Musa Quliyev xəsarət almasa da, “Saipa”nın sürücüsü Zaman Həmzəyev, həmçinin avtobusdakı sərnişinlər Raisa Şəkinskaya, Ziyafət Bayramova, Sənan Seyidov, Nərminə Qistarova, Qumru Məmmədova, Mahizər Əhmədova və Elmar Ağayev xəstəxanaya yerləşdirilib.

Yaralılardan Z.Həmzəyevin, E.Ağayevin və S.Seyidovun vəziyyətləri ağır qiymətləndirilir.

Faktla bağlı Qaradağ RPİ tərəfindən araşdırma aparılır.

Nizam RZA
# 422

Oxşar yazılar