“YAP Gənclər Birliyi”nin nümayəndələri Quba kütləvi məzarlığında olub
29 mart 2011 13:36 (UTC +04:00)

“YAP Gənclər Birliyi”nin nümayəndələri Quba kütləvi məzarlığında olub

Lent.az-ın məlumatına görə, gənclərə 1918-ci ildə ermənilərin Qubada yerli əhaliyə qarşı törətdiyi soyqırım barədə ətraflı məlumat verilib.

Quba soyqırım ekspedisiyasının rəhbəri Qəhraman Ağayev bildirib ki, 514 kvadratmetr sahədə yerləşən məzarlıqda 600 yaxın insanın sümükləri aşkarlanıb. O, qeyd edib ki, hazırda ən mühüm məsələ məzarlığı aşınmadan qorumaqdır. Məzarlıqda aşkarlanan quyulardan biri artıq sürüşmə nəticəsində dağılıb. Kütləvi məzarlıqda 20 kvadratmetr ərazi beynəlxalq arxeoloqların araşdırılması üçün saxlanılır. “YAP Gənclər Birliyini”nin sədri Seymur Orucov Lent.az-ın bölgə müxbirinə bildirib ki, məzarlığa gələn gənclər, gördükləri həqiqətləri dünya ictimaiyyətinin diqqətinə çatdırmaq üçün müvafiq tədbirlər görəcək.

Vəli Turan
# 478

Oxşar yazılar