Bir gündə 6 nəfər bıçaqlanıb

Martın 15-də Azərbaycanın müxtəlif yerlərində 6 nəfər bıçaqlanıb. Daxili İşlər Nazirliyinin mətbuat xidmətindən Lent.az-a verilən məlumata görə, Naftalan şəhərində Tərtər rayon sakini Alı İsmayılov ailə münaqişəsi zəminində arvadı Amirəyə və baldızı Hüseynova Elnarə Haqverdi qızına bıçaqla xəsarət yetirib. Hər iki qadın ağır vəziyyətdə xəstəxanaya yerləşdirilib. Görülən tədbirlər nəticəsində A.İsmayılov tutulub.

Martın 15-də saat 02.00 radələrində Bayıl qəsəbəsi, Ə.Nəzmi küçəsi, ev 104 mənzil 1-də yaşayan Şahverdiyev Mirzə Eldar oğlu bıçaq xəsarəti ilə xəstəxanaya gətirilib. Elə həmin gün saat 23.00 radələrində Binəqədi rayonu, Biləcəri qəsəbəsi, A.Zeynallı küçəsi ev 13-ün qarşısından qəsəbə sakinləri - Mahmudov Sərxan Ramiz oğlu və Heydərov Möhkəm Əlvan oğlu bıçaq xəsarətləri ilə xəstəxanaya gətirilib. M.Heydərova ilkin tibbi yardım göstərildikdən sonra evə buraxılıb. S.Mahmudovun vəziyyəti isə orta-ağırdır.

Martın 16-sı saat 01:00 radələrində Şəmkir rayonunun Qapanlı kəndində də bıçaqlanma hadisəsi olub. Kənd sakini Məmmədov Rizvan Vəli oğlu münaqişə zəminində Təzəkənd kənd sakini, qohumu Mərdanov Ramin Nurəddin oğluna bıçaqla xəsarət yetirib. R.Məmmədov tutulub.

Nizam Rza