Ağdaşda ağır qəza: 8 yaralı

Rayon Polis Şöbəsinin müstəntiqi Şirazi Qasımzadə APA-nın Şirvan bürosuna bildirib ki, hadisə ötən gecə saat 22:00 radələrində Ağdaş-Ləki yolunun 5-ci kilometrliyində qeydə alınıb. Ağdaş rayonunun Pirəzə kənd sakini 1988-ci il təvəllüdlü Əməliyev Ayaz Namizəd oğlunun idarə etdiyi 10 LE 346 dövlət nömrə nişanlı “VAZ 2106” markalı minik avtomobili qarşı tərəfdən gələn, Tərtər rayon sakini 1990-cı il təvəllüdlü Kərimli Pərvin Nizami oğluna məxsus 90 KH 584 dövlət nömrə nişanlı “VAZ 2107” markalı maşınla toqquşub.

Hadisə nəticəsində hər iki avtomobilin sürücüsü və sərnişinlər-Ağdaş rayon sakini, 23 yaşlı Nəsibov Ruslan Namiz oğlu, 25 yaşlı Qardaşov Elvin Qulu oğlu, Tərtər rayon sakini, 23 yaşlı Hüseynov Elmir İsa oğlu, 21 yaşlı Bədirov Məftun Əmir oğlu, həmyaşıdı Kazımov Babək Bəybala oğlu və Kərimli Pərvin Nizami oğlu müxtəlif dərəcəli bədən xəsarətləri ilə Ağdaş Mərkəzi Rayon Xəstəxanasına yerləşdirilib. Üç xəstənin vəziyyəti daha ağırdır və onlar reanimasiya şöbəsinə yerləşdirilib.

Faktla bağlı cinayət işi açılıb, araşdırma aparılır.