Bərdədə “Nissan Teana” aşdı: 1 ölü, 2 yaralı

Bərdədə ölümlə nəticələnən yol qəzası baş verib. Rayon Polis Şöbəsindən Lent.az-a verilən məlumata görə, martın 5-dən 6-a keçən gecə Qaradəmirçi kəndi ərazisində Bərdə-Qaradəmirçi yolunun 6-cı km-də Bərdə şəhər sakini, 1992-ci il təvəllüdlü Məmmədov Bayram Natiq oğlunun idarə etdiyi “Nissan Teana” markalı 10 ON 869 dövlət qeydiyyat nişanlı avtomobil yoldan çıxıb. Avtomobil daha sonra yolun sağ kənarındakı elektrik dirəyinə çırpılıb və aşıb.

Nəticədə sürücü Məmmədov Bayram Natiq oğlu hadisə yerində ölüb. Sərnişinlər - Bərdə şəhər sakini, 1992-ci il təvəllüdlü Nəsirov Mürvət Səfər oğlu və Bərdə şəhər sakini, 1992-ci il təvəllüdlü Məmmədov İlham Tofiq oğlu müxtəlif dərəcəli bədən xəsarətləri alaraq Bərdə Mərkəzi Rayon Xəstəxanasına yerləşdirilib.

Fakt üzrə cinayət işi başlanıb, istintaq aparılır.

Nizam RZA