Bakıda maskalı şəxslər mənzilə basqın edib
26 fevral 2011 11:04 (UTC +04:00)

Bakıda maskalı şəxslər mənzilə basqın edib

Bu gün səhər saatlarında Bakıdakı mənzillərdən birinə maskalı şəxslər basqın edib. Sabunçu rayon Polis İdarəsindən Lent.az-a verilən məlumata görə, Ramana qəsəbə sakini Ramin Məcidov saat 08:30-da 102 xidmətinə zəng vuraraq, evinə basqın edilməsi barədə məlumat verib.

O, məlumatda bildirib ki, saat 07:30 radələrində maskalı şəxslər onun evinə soxulub. R.Məcidovun evdə olmadığından istifadə edən maskalı şəxslər onun həyat yoldaşı Şəlalə Məcidovanın əl-qolunu bağlayıblar və bıçağı onun boğazına dirəyərək pulun və qiymətli əşyaların yerini soruşublar.

Məqsədlərinə çatan həmin şəxslər evdəki 400 manata yaxın pulu və zinət əşyalarını götürərək aradan çıxıblar.

Hazırda həmin şəxs və ya şəxslərin tutulması istiqamətində iş aparılır.

Nizam Rza
1 2 3 4 5 İDMAN XƏBƏRLƏRİ
# 460

Oxşar yazılar