Bakıda motosikl “Mercedes”ə çırpıldı: 2 yaralı
24 fevral 2011 10:36 (UTC +04:00)

Bakıda motosikl “Mercedes”ə çırpıldı: 2 yaralı

Fevralın 23-də axşam saatlarında Bakıda iki nəfərin xəsarət alması ilə nəticələnən yol qəzası baş verib. Xətai rayon Polis İdarəsindən Lent.az-a verilən məlumata görə, General Mehmandarov küçəsində motosikl və avtomobil toqquşub.

Belə ki, axşam saat 18 radələrində paytaxt sakini, 1992-ci ildə anadan olmuş Sadıqov Nurlan Faiq oğlunun idarə etdiyi 90 EK 691 dövlət nömrə nişanlı “İJ 2715” markalı motosikl 1966-cı il təvəllüdlü Məmmədov Hicran Təvəkkül oğlu idarə etdiyi “Mercedes”ə çırpılıb.

Hadisə nəticəsində hər iki sürücü xəsarət alıb. Motosiklın 19 yaşlı sürücüsünün vəziyyətinin ağır olduğu bildirilir.

Faktla bağlı araşdırma aparılır.

Nizam RZA
1 2 3 4 5 İDMAN XƏBƏRLƏRİ
# 516

Oxşar yazılar