Yeni baş məşqçi yığmamıza 1 qızıl, 2 bürünc medal qazandırdı
13 fevral 2011 14:49 (UTC +04:00)

Yeni baş məşqçi yığmamıza 1 qızıl, 2 bürünc medal qazandırdı

Lent.az-ın məlumatına görə, yarışda iştirak edən Azərbaycan yığması 1 qızıl, 2 bürünc medal qazanıb.

91 kq çəki dərəcəsində mübarizə aparan Teymur Məmmədov bütün görüşlərini qələbə ilə başa vuraraq, turnirin qalibi olub. Boksçumuz yarımfinalda macarıstanlı Şabolz Deeli texniki nokautla məğlub edib. Finalda isə həmyerlimiz Polşa idmançısı Maykl Olas üzərində 3:2 hesabı ilə qələbə qazanıb. 69 kq çəki dərəcəsində yarışan iki boksçumuz – Sadiq Eynullayev və Heybətulla Hacəliyev isə bürünc medalla kifayətləniblər. Eynullayev yarımfinalda Macarıstan təmsilçisi – Balaş Baskaiyə 4:7 hesabı ilə uduzub, Hacəliyev rusiyalı Pyotr Xamukova məğlub olub.

Boksçularımızdan İlkin Ağayev (52 kq), Rahib Bəylərov (75 kq) və Vətən Hüseynli (81 kq) mükafatsız qalıblar. Bakıda keçiriləcək 2012-ci il London Yay Olimpiya Oyunlarına lisenziya xarakterli dünya çempionatına hazırlaşan millimiz fevralın 15-də Bolqarıstanda start götürəcək beynəlxalq turnirdə də iştirak edəcək.

Qeyd edək ki, bu, dağıstanlı mütəxəssis Yevgeni Kotovun yığmamızın baş məşqçi postunda ilk sınağı olub.
# 427

Oxşar yazılar