Tarixin ilk cinayət hadisəsi bəlli oldu

Bu hadisə İraq ərazisində, Zaqrosun ətəklərində baş verib

Tarixdə ilk cinayət hadisəsinin Daş dövründə, bu günkü İraq ərazisində baş verdiyi bəlli olub. Lent.az-ın məlumatına görə, bu barədə İtaliya mətbuatı yazıb. Adnkronos agentliyi La Stampa qəzetinə istinadla bildirib ki, Zagros dağları 50 min, yaxud 75 min il öncə bir homo sapiensin (modern insan), bir neandertalı (200 min il öncə yaşamış insan tipi) öldürməsinə şahid olub.

Duke Universitüetində çalışan amerikalı antropoloq Stiven Çuçillin açıqlamalarına yer verilən xəbərdə bildirilir ki, İraqın şimal-qərbində bir mağarada tapılan sümük qalıqlarının oxla öldürülmüş 40-50 yaşlarında bir neandertala aid olduğu üzə çıxıb.

Xəbərdə “Şanidar-3” adı verilən qurbanın bir qəbilə başçısı olduğu güman edilir və bu olayın tarixin ortaya çıxarılan ən qədim cinayəti olduğu deyilir.