Gəncədə “Nurçular” cəzalandırıldı

Gəncədə “Nurçuluğ”u təbliğ edən şəxslər saxlanılıb.

Kəpəz RPŞ əməkdaşları tərəfindən 3-cü mikrorayon ev 13-də yaşayan Elmir Mehdiyevin mənzilində "Nurçuluq" dini təriqətini təbliğ etdikləri üçün Gəncə şəhər sakinləri Rüfət Verdiyev, onun qardaşı Rəşad, Murad Ağayev, Elnur Əliyev, Azər Hüseynov, Elaj Mürsəlov, Rövşən İsgəndərov, onun qardaşı Etibar, İsmayıl Əsgərov, Alim Allahverdiyev və Bakı şəhər sakini Elçin Hacıyev polisə gətiriliblər.

Lent.az-ın Daxili İşlər Nazirliyinin saytına istinadən məlumatına görə, E.İsgəndərov, İ.Əsgərov barələrində İnzibati Xətalar məcəlləsinin 310-cu, E.Mehdiyev barəsində isə İnzibati Xətalar Məcəlləsinin 299-cu maddəsi ilə protokol tərtib olunub, digərlərinin izahatları alındıqdan sonra buraxılıblar.