FHN İsrailə iki helikopter göndərib
04 dekabr 2010 10:13 (UTC +04:00)

FHN İsrailə iki helikopter göndərib

APA-nın məlumatına görə, FHN-n «Ka-32A» və «Mi-17-1B» tipli helikopterləri Bakı Beynəlxalq Hava limanından İsrailə yola salınıb. FHN Aviasiya dəstəsinin rəisi polkovnik Əşrəf Qasımov jurnalistlərə bildirib ki, İsrail hökumətinin müraciətinə əsasən Azərbaycan hökuməti yanğınların söndürülməsində iştirak edəcək. Bu məqsədlə FHN İsrailə 2 helikopter və 16 nəfərlik heyət göndərir. Helikopterlər Azərbaycan-Gürcüstan-Türkiyə-Kipr marşrutu üzrə İsrailə uçurlar. Onun sözlərinə görə, Azərbaycan yanğınsöndürənləri ilkin olaraq yanğınların daha geniş yayıldığı Hayfa şəhəri ətrafındakı əməliyyatlarda iştirak edəcəklər. Azərbaycan heyətinin ilkin olaraq əməliyyatlarda 10 gün iştirakı nəzərdə tutulur. Lakin ehtiyac olarsa bu müddət artırıla bilər.
1 2 3 4 5 İDMAN XƏBƏRLƏRİ
# 984

Oxşar yazılar